Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

Беларуская песня

Ты, песня беларуская мая,
Ўзлятаеш разам з ветрам за аблокі,
Ты мне гучыш чырыкам вераб’я,
І цёхканнем вячэрняга салоўкі.

То поўная сваіх самотных дум,
То дзёрзкая, вясёлая, жывая,
Ты – як ручай, ты – як дубровы шум.
Не я пяю – а сэрцайка спявае!

І два празрыстых, трапяткіх крыла 
Гайдаюць у нябёсах мае мары…
Ляціць струмень бязмежнага святла,
Ад сонейка адкідваючы хмары.

Я ўсё жыццё, як бы жывой вадой,
П’ю – не нап’юся з гэтага струменя, 
І кожны вечар, песня, ты са мной,
І кожны ранак ты са мною, песня.

Са снегам тапалёвых парушын,
З дрыготкаю лістотаю асіны, 
Сугучная з патрэбнасцю душы,
І мілая, як родныя мясціны.   Тамара Кашавая

АРТЫСТ ГРАЙКА. Цётка

Скрыпка грае, скрыпка скача,
А музыка ў душы плача,
Сьцісне струны, смыкам жахне,
Аж ад болю народ ахне.
Чорны вочы блісь сьлязою,
Струны стогнуць пад рукою,
Сам музыка з скрыпкай зьліўся
I, як вецер, ў неба ўзьвіўся,
Весь у песьні, весь у тоне,
То сьмяецца, то зноў стоне,
То людзей усіх абніме,
То адступіць, камень кіне.
Во, глядзі, па горах скача,
Мігам сеў на скале, плача,
Сьлёзы збрызнуў, гоп у мора;
Як маланка на прасторы,
Сьвеце, гасьне, ціхне, млее,
Ўместа агню іскра тлее.
Рука стала, смык згастрыўся
I, як зьмяя, ў скрыпку ўпіўся.
Што зайграе, што забае,
Сам артыста толькі знае. 

Фотоматериалы

  • 26.03.19г
  • 26.03.19г
  • 26.03.19г
  • 26.03.19г

Разделы сайта